БИШКЕК, 17-сен. – Sputnik. "Жеткиликтүү турак-жай 2015-2020" мамлекеттик программасы жеткиликтүү турак-жай курууга инвестиция тартуу мене финансылык механизмдерди түзүүгө багытталганын премьер-министр Темир Сариев аталган программаны кароо боюнча кеңешмеде билдирди.
"Жеткиликтүү турак-жай 2015-2020" программасына ылайык, кыргызстандык жарандар төмөнкү пайыздык үстөк менен ипотека аркылуу кыймылсыз мүлккө ээ боло алышат.
Сариев аталган программа өкмөт тарабынан калкты турак-жай менен менен камсыздоо маселесин чечүү максатында иштелип чыкканын белгиледи.
"Жеткиликтүү турак-жай 2015-2020" программасы жөн гана ипотекалык насыялоо эмес. Бул — турак-жай жеткиликтүүлүгүн жогорулатуу боюнча чаралардын жыйындысы. Коммерциялык банктардын насыялоо программасынан кескин айырмаланып, жеткиликтүү турак-жай курууга инвестиция тартуу менен финансылык механизмдерди түзүү аркылуу турак-жай жеткиликтүүлүгүн жогорулатууга багытталган", — деди өкөмөт башчы.
Премьер-министр аталган программанын борбордук элементи катары мамлекеттик ипотекалык компаниянын (МИК) түзүлүшү эсептелет.
"Алгачкы уставдык капитал 10 миллион сом болуп, 5 жыл аралыгында ар жыл сайын 150 миллионго толукталып турат. Жарандардан түшкөн ар бир арыз тыкыр каралып, тийиштүү категорияларга киргизилет. Андан соң ар бир зайымчыны жеке түрдө насыялоо механизми аныкталат", — деди Сариев.
Сариев программаны ишке ашыруу процессин тездетүүнү тапшырып, үстүбүздөгү жылдын 1-ноябрына чейин программанын жыйынтык варианты бекитилиши керектигин белгиледи.
