БИШКЕК, 14-сен. — Sputnik. Өлкө ичинде валюталык каатчылык болбошу үчүн Улуттук банктын 17,6 миллион доллар сатканы банктын расмий сайтында маалымдалды. Жыл башынан бери бул 17-жолу жасалып жаткан интервенция.
Дем алыш күндөрү эле сомдун башка валюталарга болгон катышы бир пайызга төмөндөдү. Улуттук банктын маалыматына ылайык, бир айда эле доллар алты сомго кымбаттаган. Дүйшөмбү күнү бир доллардын расмий курсу 67,5 сомду түздү.
Шаардагы акча алмаштыруу жайлары бир АКШ долларын элге 70 сомдон соодалап, 69 сомдон сатып алууда.
