БИШКЕК, 14-сен. — Sputnik. Ленин РИИБ менен Ысык-Ата РИИБнын эки кызматкерине кылмыш иши козголгонун Башкы прокуратура билдирди.
Маалыматка ылайык, милиционерлер Н.А. аттуу жаранга тиешелүү телефонду Бишкектин ири соода түйүндөрүнүн бирине 24 миң 500 сомго сатып жиберишкен. Андан кийин алдын ала сүйлөшүп алып, телефон уурдалды деп иликтөө иштерин жүргүзүп келишкен. Мында телефондун уурдалганы тууралуу документ түзүлгөн эмес.
Натыйжада үстүбүздөгү жылдын 25-июнунда "тинтип жүрүп" милиционерлер "уурдалган" телефонду таап алышкан.
Сатып алып жок жерден телефонун тарттырып жиберген жаран укук коргоо органдарына кайрылууга аргасыз болгон.
Аталган факт боюнча Свердлов районунун прокуратурасы тарабынан кылмыш иши козголду. Учурда тергөө амалдары жүрүп жатат.
