БИШКЕК, 14-сен. — Sputnik. Учурда миграциялык мыйзам бузуп, Россиянын аймагында жүргөн кыргызстандык жарандардын саны 120 миңге кыскарганын Эмгек, миграция жана жаштар министрлиги билдирди.
Россиялык тараптын маалыматы боюнча, үч жылга чейин Россия аймагына кирүүгө тыюу салынган 49 миң жарандын 16 миңине жол ачылды. Мында шартка ылайык, белгиленген үч жылдын жарымы өтүшү керек. Буга чейин мындай жарандарга үстүбүздөгү жылдын 1-ноябрына чейин Россиядан тоскоолдуксуз чыгып, кайра кирүүгө мүмкүнчүлүк берилген.
Мындан тышкары, миграциялык мыйзам бузуп, Россиянын аймагында жүргөн кыргызстандык жарандардын саны 180 миңден 120 миңге кыскарып, учурда мындай мигранттардын саны 54 миңдин тегерегинде экени белгилүү болду.
Жолугушууда Федералдык миграция кызматы Кыргызстандык жарандардан россиялык жумуш берүүчүлөр менен аталган аймакта жүрүү мөөнөтүн узартуу боюнча ЕАЭБ шартын эске алуу менен түзүлгөн келишимдерди күтүп жатканы кошумчаланды.
