БИШКЕК, 14-сен. — Sputnik. Дүйшөмбүдөн тарта Кыргызстандын саясий партияларынын эфирдик таймашы башталат.
Буга чейин Борбордук шайлоо комиссиясында КТРК жана ЭлТР каналдарында эфирдик убакытты бөлүштүрүү боюнча чүчү кулак өткөн. Бөлүнгөн убакыттын алкагында саясий партиялар акысыз эфирге чыга алышат.
Партиялар жеке сөз менен ЭлТР каналынан 14-сентябрдан 1-октябрга чейин, ал эми КТРКдан 16-24-сентябрь күндөрү чыга алышат.
Шайлоого аттанган саясий уюмдардын дебатын КТРКдан 25-29-сентябрда, ал эми ЭлТР каналынан 26-28-сентябрь күндөрү көрүүгө болот.
Үстүбүздөгү жылдын 4-октябрына белгиленген парламенттик шайлоого карата үгүт өнөктүгү 4-сентябрда башталган.
Партиялар үчүн эфирдик убакыттын бөлүштүрүлүшүн Sputnik агенттигинин инфографикасынан караңыз>>