БИШКЕК, 11-сен. — Sputnik. Казакстандын президенти Нурсултан Назарбаевтин кызы Дарига Назарбаеваны премьер-министрдин орун басары кылып дайындаганын мамлекет башчынын маалымат кызматы билдиргенин newskaz.kz маалымат агенттиги маалымдады
Дарига Назарбаева буга чейин Казакстан парламентинин төмөнкү палатасынын вице-спикерлик кызматын аркалаган.
52 жаштагы Назарбаева Казакстан парламентинин төмөнкү палатасында "Нур Отан" фракциясын 2014-жылдын апрель айынан бери жетектеп келген. Ал ошондой эле 2000-жылдардын башында "Асар" партиясын жетектеп, 2006-жылы аталган партия "Нур Отанга" кошулган.
