БИШКЕК, 8-сен. — Sputnik. Коргоо министрлиги аскердик кызмат өтөөнүн жаңы түрүн сунуштап жатканын мекеменин өкүлү маалымат жыйынында билдирди.
Ага ылайык, жаран 60 миң сом төлөп кыска мөөнөттүү аскер кызматын өтөөгө мүмкүнчүлүк алат.
"Мында 18ден 25 жашка чейинки кызмат өтөөгө милдеттүү жана ага жарактуу жарандар, буга чейин аскердик кызмат өтөөгө медициналдык кароодон кийин жарактуу деп табылган 18ден 35 жашка чейинки жарандар жана аскердик же альтернативалык кызмат өтөбөгөн, бирок ага милдеттүү жарандар аталган мүмкүнчүлүктөн пайдалана алышат", — деп айтылат билдирүүдө.
Кыска мөөнөтүү кызмат өтөөнүн убактысы 40 күндү түзөт.
Аскердик кызмат өтөөнүн бул түрү Куралдуу күчтөрдүн мобилизациялык ресурстарын толуктап турууга шарт түзүп, буга чейин түрдүү себептер менен аскердик кызмат өтөй албай калган жарандарга милдетинен кутулууга мүмкүнчүлүк берери маалымдалды.
