БИШКЕК, 30-авг. — Sputnik. Жогорку Кеңештин бешинчи чакырылышынын акыркы сессиясы 1-сентябрда ачылат.
Учурдагы депутаттык курам 2010-жылы беш жылдык мөөнөткө шайланган.
Жыйындын ачылышы саат 9:30га белгиленген. V чакырылыштагы депутаттар жаңы эл өкүлдөрү шайланып келгенге чейин иштешет. Парламенттик шайлоо 2015-жылдын 4-октябрына дайындалган.
2010-жылдын июнь айында болгон референдумда Кыргызстандын эли өлкө тарыхында биринчи жолу парламенттик-президенттик башкаруу формасын тандап алган.
Бешинчи чакырылыштагы ЖК депутаттары 2010-жылдын 10-октябрында шайланышкан. Анда беш партия — "Ата-Журт", КСДП, "Ар-Намыс", "Республика" жана "Ата Мекен" жеңишке жеткен.
