Камакта жаткан айыпталуучу тергөө жыйынтыгына каршы болуп оозун тигип салды

© Sputnik / Владимир Федоренко / Медиабанкка өтүүКамак. Архив
Камак. Архив - Sputnik Кыргызстан
Жазылуу
Ишкана ээсинин арызынын негизинде аталган жаран кармалып, иликтөө иштеринин жүрүшүндө анын дагы бир катар кылмыштарга тиешеси бар экендиги аныкталган. Сурак учурунда, Бурадинов бардык күнөөсүн мойнуна алып, уурдалган буюмдарды өз ыктыяры менен өткөрүп берген.

БИШКЕК, 24-авг. — Sputnik. Камакта жаткан Рахимжан Бурадинов тергөө жыйынтыгына макул эместигин билдирип каршылык көрсөтүү иретинде оозун тигип салганын Бишкек ШИИБ билдирет.

Бурадиновдун тергөөчүлөр кыйноо менен сурак жүргүздү деген билдирүүсү чындыкка дал келбей турганын, анткени соттук-медициналык экспертиза айыпталуучунун денесине залал келтирилген эмес деген тыянак чыгарганын билдирди.

Исправительные учреждения Владимирской области - Sputnik Кыргызстан
Кыргызстандыктын өлүмү РФ түрмөсүндө жапырт ачкачылыкка алып келди
Маалыматка ылайык, Бурадинов үстүбүздөгү жылдын май айынын башында түн ичинде шаардын сулуулук салондорунун бирине уурулукка кирип, 17 миң 700 сомдук буюм-тайымын алып кеткен. 

Ишкана ээсинин арызынын негизинде аталган жаран кармалып, иликтөө иштеринин жүрүшүндө анын дагы бир катар кылмыштарга тиешеси бар экендиги аныкталган. Сурак учурунда, Бурадинов бардык күнөөсүн мойнуна алып, уурдалган буюмдарды өз ыктыяры менен өткөрүп берген. 

ИИМ маалымат-аналитикалык борборунун билдирүүсү боюнча айыпталуучу 20 жашынан бери бир нече ирет соттолгону белгилүү болду.

Учурда тергөө органдары тарабынан Бурадиновдун күнөөсүн далилдеген материалдар чогултулуп, кылмыш иши Бишкектин Свердлов райондук сотуна өткөрүлдү. Мындай чечимге макул болбогон Бурадинов камакта жатып оозун тигип салган. 

Жаңылыктар түрмөгү
0