БИШКЕК, 20-авг. — Sputnik. Бишкектин мэри Кубанычбек Кулматов премьер-министр Темир Сариевдин борбор калаа таштандыдан толук качан арылат деген суроосуна так жооп бере алган жок.
Анын айтымында, "Тазалык" ишканасына кызматкерлер жана атайы техника жетишпейт. Ал аталган ишкананын Октябрь району боюнча бөлүм кызматкерлеринин саботажын смисал келтирди.
"Иш бир нече смена менен жүргүзүлүп жатканына карабай, баарын жыйноого жетишпей жатабыз. Эки компания 10 жаңы унаа берүүгө даяр эле, бирок ортодо баа боюнча келишпестиктер жаралып, алар иштешүүдөн баш тартты", — деди мэр.
Кулматов Европалык реконструкциялоо жана өнүктүрүү банкынын долбоорунун негизинде 34 жаңы унаа келип, шаардагы алты миң таштанды челек жаңыртыларын, бул бир катар көйгөйлөрдүн чечилишин шарттай турганын кошумчалады.
