БИШКЕК, 17-авг. — Sputnik. Сокулук районунун Ново-Павловка айыл аймагында турак жай куруу үчүн айыл чарба жерлерин мыйзамсыз сатуу фактылары иликтенип, бир катар кылмыш иши козголгонун Башкы прокуратура билдирет.
Ага ылайык, Ново-Павловка айыл аймагынын башчысынын мыйзамсыз жер сатуу боюнча берген арызын карабай, кылмыш ишин козгоодон баш тарткан Сокулук РИИБ тергөөчүсүнө, адвокат, нотариус менен сүйлөшүп алып, 23 туура эмес чечим чыгарган райондук соттун судьясына бир катар беренелер боюнча кылмыш иштери козголду.
Мыйзамсыз курулуш иштерине өт убагында чараларды көрбөгөнү үчүн Сокулук районунун прокурору кызматынан алынып, анын эки орун басары тарбиялык жоопкерчиликке тартылды.
Учурда Башкы прокуратура тарабынан тергөө тобу түзүлдү. Аталган топ Сокулук районундагы жер чыры боюнча кылмыш иштерин аягына чыгарышы керек.
