БИШКЕК, 4-авг. — Sputnik. Аламүдүн районунда Мамлекеттик каттоо кызматы жана Көк-Жар айыл өкмөтүнүн жетекчилиги жер тилкелерин мыйзамсыз бөлүштүрүүгө жол берген фактылары аныкталганын ИИМ билдирет.
Маалыматка ылайык, 2014-жылы 23 гектардан ашуун жер менчикке таратылган. Аталган жер тилкелери айыл чарба иштерине пайдалануучу жердин категориясына киргени маалым болду. Жетекчиликтин кайдыгер мамилесинен улам 23 гектар жер 260 тилкеге бөлүнүп, учурда айрымдарына курулуш иштери жүрүп жатат.
Үстүбүздөгү жылдын июль айынын аягында бул факт боюнча КРдин Кылмвш жаза кодексинин 316-беренесинин (Шалаакылык) негизинде кылмыш иши козголуп, учурда Аламүдүн районунун прокуратурасы иликтөө иштерин жүргүзүп жатат.
