БИШКЕК, 16-авг. — Sputnik. Кыргызстанда июль айында азык-түлүк жана курулуш материалдары арзандады. Бул туурасында Улуттук статистика комитетинен билдиришти.
Ведомствонун маалыматында мөмө-жемиштер бул айда 10 пайызга, ал эми жашылчалар 17 пайызга арзандаган.
Муну менен катар, курулуш материалдарына болгон баалар байкалаарлык төмөндөгөн.
Ал эми суу менен камсыздоо 12 пайызга, мунай заттары 9 пайызга, кызмат көрсөтүү тармагынын ичинен мейманканалар 11 пайызга кымбаттаган.
Жалпысынан алганда, Кыргызстанда бул айда жашоо жарым пайызга арзандады деп айтылат отчетто.
