БИШКЕК, 8-авг. — Sputnik. Шайлоо учурунда жаңы программадагы жабдуулар менен иштей турган 10 миң оператор окутула турганын Мамлекеттик каттоо кызматы билдирет.
Маалыматка ылайык, 20-августтан баштап Кыргызстандын бардык аймагында операторлорду окутуу үчүн методикалык класстар ачылат. Окутууну ПРООН каржылап, ага 300 миң доллар бөлүндү.
"Жабдыктар менен иштөөдөгү бардык кемчиликтер шайлоо күнүнө чейин аныкталып жоюлат", — деп айтылат билдирүүдө.
Учурда республика боюнча шайлоого керектүү жаңы программадагы жабдуулар текшерүүдөн өтүп жатат. Бардык процесстерге биринчи вице-премьер-министр Тайырбек Сарпашев көзөмөл кылууда.
