БИШКЕК, 7-авг. — Sputnik. Президент Алмазбек Атамбаев "Мамлекеттик кызмат жөнүндө" жана "Прокуратура жөнүндө" мыйзамдарга өзгөртүүлөрдү жана толуктоолорду киргизүү жөнүндө мыйзамга кол койгонун өлкө башчысынын маалымат кызматы билдирет.
Маалыматка ылайык, мыйзам Жогорку Кеңеш тарабынан 2015-жылдын 26-июнунда кабыл алынган.
Мыйзам ден-соолугуна байланыштуу альтернативдүү кызмат өтөгөндөрдүн прокуратура органдарында жана мекемелеринде кызмат кылуусуна жол ачуу максатында кабыл алынган.
Мыйзам расмий жарыяланган күндөн он күн өткөндөн кийин күчүнө кирет.
