БИШКЕК, 7-авг. — Sputnik. Россиянын Миграция кызматынын кара тизмесине кирген кыргызстандык жаран башка бирөөнүн паспорту менен Ош шаарынан Москвага учууга аракет кылган жеринен кармалганын Чек ара кызматы билдирет.
Маалыматка ылайык, 7-август күнү паспорт текшерүү учурунда Ош аэропортунун көзөмөл пунктунан кармалган 47 жаштагы жаран буга чейин кара тизмеге түшүп, анын Россияга кирүүсүнө тыюу салынганы аныкталган.
Тийиштүү документтер толтурулгандан кийин кармалган адам УКМК кызматкерлерине өткөрүп берилди.
