БИШКЕК, 1-авг.— Sputnik. Премьер-министр Темир Сариев Ала-Бука районунда жайгашкан "Бозумчак" кениндеги "Казакмыс Голд Кыргызстан" тоо-кен иштетүүчү ишканасынын ишке берилишине катышып жатып, бул майрам катары кабылданарын белгиледи.
Өкмөт башчысы комбинаттын ачылышы өлкɵ экономикасы үчүн чоң мааниге ээ экенин белгилеп, бул сыяктуу бир катар ишкана, комбинаттарды ишке киргизүү улантыларын билдирди.
"Мамлекетибиз эгемендүүлүк алгандан тарта бир катар кыйынчылыктарды баштан ɵткɵрдү. Өткɵɵл учурда фабрика, завод, ишканалар токтоп калды, жарандарыбыз башка ɵлкɵлɵргɵ иш издеп, Россия, Казакстан сыяктуу ɵлкɵлɵргɵ чыгууга аргасыз болушту. Ушундай учурда биз жаңы ишканаларды ишке киргизип, жумуш орундарын түзүп, мамлекетибиздин эгемендигин, кубаттуулугун бекемдеп, туруктуу ɵнүгүүсүн камсыздашыбыз зарыл. Биздин алдыбызда бир гана жол бар, – ал – ɵнүгүү жолу", – деди Сариев.
Өкмɵт башчы комбинат буга дейре тесттик режимде иш алып барып жатканын, сентябрдын соңунан тарта ал толук кубаттуулукта ишке берилерин айтты.
"Андан жыл аягына дейре 200 млн. сом салык түшсɵ, анын 50 млн. сомдон ашыгы жергиликтүү бюджетке келип түшɵт. Эгерде ишкана толук кандуу ишке берилсе, анда жылына мамлекеттин казынасына 400 млн. сом которулат, ошол эле учурда миңден ашуун жумушчу орун пайда болот", — деди премьер-министр.
"Бозумчак" жез-алтын кени Жалал-Абад облусунун Ала-Бука районуна караштуу Көк-Таш айыл аймагында жайгашкан. Эксперттердин баасы боюнча, анда 146 миң тонна жездин, 23 тоннадан ашык алтындын жана 138 тоннага чукул күмүштүн кени бар. Кенди казакстандык "Казакмыс" корпорациясынын "Казакмыс Голд Кыргызстан" компаниясы 2008-жылдан тартып иштетип келет.
