БИШКЕК, 31-июль — Sputnik. Борбордук шайлоо комиссиясынын мүчөлөрү өз жыйынында парламенттик шайлоого катыша турган 17 партиянын ыйгарымдуу өкүлүн каттаганын Sputnik агенттигине БШК мүчөсү Канатбек Азиз билдирди.
Ишемби күнү президент Алмазбек Атамбаев парламенттик шайлоону 4-октябрга дайындаган буйрукка кол коюп, өкмөткө шайлоону сапаттуу өткөрүүнү камсыздоо боюнча тапшырма берген.
Канатбек Азиздин маалыматында, бүгүн кечке маал "Кайран Эл" партиясы шайлоого катышуу ниетин билдирген. Ошону менен парламенттеги орун үчүн ат салыша турган партиялардын саны 20га жетти.
