БИШКЕК, 31-июль — Sputnik. Каракол—Көлтөр—Алтын-Арашан маршруту менен чыккан литвалыктар табылып, тик учак менен Каракол шаарына алынып келгенин ӨКМдин маалымат кызматы билдирди.
Бул жарандар телефон аркылуу "Альп-Тур-Иссык-Куль" турфирмасына каттоодон өтүшкөн.
2015-жылдын 29-июлуна караган түнү "Кеңсан" капчыгайындагы "Чоң-Өзөн-Батыш" музунда таш кулоонун кесепетинен 28 жаштагы аял каза болгон. Аларды издөөгө ондон ашык куткаруучу тартылган.
Жума күнү, 31-июлда түшкү саат 11:30 чамаларында өлүктү жана калган туристтерди алып түшүү максатында Каракол шаарынан тик учак учкан. Болжол менен саат 15:00дө тик учак Каракол шаарына каза болгон турист аялдын сөөгү менен дагы жети туристти алып келген.
