БИШКЕК, 20-июль — Sputnik. Үстүбүздөгү жылдын биринчи жарымында "Түндүк электр" ишканасынын капиталдык салымынын жалпы көлөмү 224,2 миллион сомду же пландын 99 пайызын түзгөнүн мекеменин маалымат кызматы билдирет.
Маалыматка ылайык, учурда Бишкек шаарында жана Чүй, Талас облустарында 98 чакырымга жакын 10-6/0,4 кВ аба электр өткөргүчтөрү пайдаланууга киргизилип, 10/0,4 кВ 21 кошумча трансформаторлуу чордон орнотулду. Мындан тышкары, 10/0,4 кВ чыңалуусундагы 22 трансформатордун кубаттуулугу жогорулады.
"2015-жылы "Түндүк электр" ишканасы 10/0,4 кВ чыңалуусундагы 90 чакырым аба электр чубалгысын, 0,4 кВ чыңалуусундагы 100 км аба электр чубалгысы өзүн изоляциялаган зымды колдонуу менен 10/ 0,4 кВ чыңалуусундагы кабелдик өткөргүчтөрдү реконструкциялоону максат кылууда", деп айтылат билдирүүдө.
Мындан сырткары, ишкана 10/0,4 кВ чыңалуусундагы 61 кошумча трансформаторлуу чордонду жана 45 миң электр энергияны эсепке алуу менен маалыматтык-ченөө автоматташтырылган системасынына кошулган эсептегичтерди орнотууну пландоодо.
