БИШКЕК, 16-июль — Sputnik. Президент Алмазбек Атамбаев Кыргызстан менен Эл аралык өнүктүрүү ассоциациясынын (ЭӨА) ортосундагы каржылоо жөнүндө макулдашууну ратификациялады.
Макулдашуунун негизги максаты керектөөчүлөрдү электр менен жабдуунун ишенимдүүлүгүн жогорулатуу, компаниянын тейлөө аймагындагы жоготууларды жана кирешелердин азайышын кыскартуу үчүн "Түндүк электр" ишканасындагы башкарууну жакшыртып, ачык-айкындуулукту жана отчеттуулукту орнотуу болуп саналат.
Мыйзам Жогорку Кеңеш тарабынан 2015-жылдын 26-июнунда кабыл алынган.
Финансы министрлигине көрсөтүлгөн Макулдашуунун күчүнө кириши үчүн зарыл болгон мамлекеттик ички жол-жоболор КР тарабынан аткарылганы жөнүндө Эл аралык өнүктүрүү ассоциациясына кабарлоо милдети тапшырылды.
Мыйзам расмий жарыяланган күндөн тартып он күн өткөндөн кийин күчүнө кирет.
