БИШКЕК, 23-июнь — Sputnik. Өлүктөр менен сүрөткө түшкөн студенттер окуудан чыгарылышы мүмкүн экенин Кыргыз мамлекеттик медициналык академиянын маалымат катчысы Абибилла Пазылов билдирди.
Мындан тышкары, белгилүү тармактардын бирине студенттердин адам сөөгүн өздөштүрүү учурундагы сүрөтү жайгаштырылган. ИИМ өлүккана боюнча экскурсия жүргүзүүгө жоопкер 1-курстун студенти экени белгилүү болгон.
Пазылов өз сөзүндө жогорудагы жарандар КММАнын студенттери экени далилденсе, "жыйынтык чыгаруу керектигин" билдирди.
"Эгер бул атайын жасалса, мыйзам бузулуп, аталган факт социалдык тармактын пайдалануучулары үчүн бир топ ыңгайсыздыктарды жаратса, анда студенттерге карата окуу жайдан чыгарууга чейинки чаралар көрүлүшү кажет", — деди маалымат катчы.
ИИМ интернетке жайгашкан сүрөттөрдүн бири өткөн жылдын декабрында, ал эми экинчиси үстүбүздөгү жылдын февралына тартылганын билдирди. Маалыматка ылайык, тең тыюу салынганына карабастан, студенттер өлүкканага телефондору менен киришип, мугалимдердин жоктугунан пайдаланып өлүктөр менен сүрөткө түшкөн.
Учурда бардык материалдар Бишкек ШИИБ тергөө башкармалыгына өткөрүлдү.
