БИШКЕК, 19-июнь — Sputnik. Европа биримдиги Крым менен Севастопольго каршы санкцияларды бир жылга узартуу менен биримдикке мүчө мамлекеттердин экономика жана каржы министрлик башчыларынын чечимин жактырганын РИА Новости Европа түзүмдөрүндөгү маалымат булагына таянуу менен билдирет.
Министрлер жума күнкү отурумда Крым менен Севастопольго каршы санкцияларды бир жылга узартуу жөнүндө ЕБ кеңешинин чечимин эч талкуусуз кабыл алышы керек болчу.
"Пункт жактырылды", — деп агенттиктин өзүн атагысы келбеген маалымат булагы айтып берген.
Россиялык саясатчылар менен ишкерлерге каршы санкциялар кантип киргизилген
Россиянын Украина боюнча көз караштарына байланыштуу Батыш өлкөлөрү 2014-жылдын мартынан тарта бир нече жолу санкцияларды киргизишкен. Акыркы жолу мындай чара 2015-жылдын мартында АКШ өзүнүн санкциялык тизмесин кеңейткенде көрүлгөн. Андан тышкары, Бавариядагы "Чоң жетилик" саммитинин жыйынтыктары боюнча Россияга каршы санкцияларды узартуу чечими кабыл алынып, АКШ дагы жаңыларын киргизүү мүмкүнчүлүгүн карап жатат.
