БИШКЕК, 16-июнь — Sputnik. Биометрикалык маалымат жыйноо процессин тездетүү жана алардын коопсуздугун сактоону күчөтүү зарылдыгын премьер-министр Темир Сариев өкмөт жыйынында билдирди.
"Бүгүнкү күнү биометрикалык маалыматын 2 миллион 551 миң 490 адам тапшырды. Мунун негизинде шайлоочулардын тизмеси такталууда", — деди Сарпашев.
Сариев күзүндө өтө турган парламенттик шайлоо мыйзам чегинде ачык-айкын өтүшү керектигин белгиледи. Анын айтымында, мында жарандардын биометрикалык маалыматы чоң мааниге ээ.
"Өкмөт шайлоонун ачык-айкын өтүшүн жана бардык тийиштүү шарт менен камсыздоону өз мойнуна алды. Шайлоого даярдык иштерин күчөтүү зарыл", — деди премьер-министр.
Мындан тышкары, Сариев биометрикалык маалыматтарды чогултуу процессин тездетүү, алардын коопсуздугун жана жарандар арасында түшүндүрүү иштерин күчөтүүнү тапшырды.
