БИШКЕК, 9-июнь — Sputnik. АКШнын аскер күчтөрүнүн интернеттеги расмий бети дүйшөмбү күнү божомолдоолор боюнча "Сириянын электрондук аскери" хакерлеринин кол салышынан жабылды деп билдирет РИА Новости.
"Сириянын электрондук аскери" өз өлкөсүнүн президенти Башар Асадга колдоо көрсөтүүчү сириялык хакерлерден турган топ болуп эсептелет
Ошол эле жерде кибер чыккынчылары сириялык оппозицияны даярдоо боюнча АКШнын иш-аракеттерине каршы "Сириянын электрондук аскери" ведомтсвонун сайтына жазган билдирүүлөрдүн скриншотторун да чыгарышкан.
АКШнын Коргоо министрлигинин сайты болсо кадимки тартипте иштеп жатат.
Сириялык хакерлердин иш-аракеттери биринчи жолу 2011-жылдын май айында катталып, ал Сирияда жарандык согуштун башталышы менен байланыштуу болгон. 2013-жылдын октябрында сириялык хакерлер АКШ президенти Барак Обаманын Twitter жана Facebook беттериндеги аккаунттарын талкалагандыгы туурасында билдиришкен. Мындан тышкары, алар Американын, Британиянын жана Франциянын алдыңкы ЖМКларынын да сайттарын иштен чыгарышкан.
