Ысык-Атадагы шамалдан бак кулап, дагы бир жаран каза болду

© Sputnik / Юрий Лашов / Медиабанкка өтүүТез жардам автоунаасы. Архив
Тез жардам автоунаасы. Архив - Sputnik Кыргызстан
Жазылуу
Дүйшөмбү күнү кечинде катталган катуу шамал Чүй облусунун бир катар район, шаарларына зыян алып келди.

БИШКЕК, 9-июнь — Sputnik. Чүй облусунун Ысык-Ата районунун Кеңеш айылынын 74 жаштагы тургунун бак басып каза болгонун Өзгөчө кырдаалдар министрлигинин маалымат кызматы билдирди.

Маалыматка ылайык, дүйшөмбү күнү кечинде болгон катуу шамалдын кесепетинен кулаган бак аны үйүнүн жанынан басып калган.

Буга чейин маалым болгондой, суу алып жаткан жеринен бактын чоң бутагы кулап, 13 жаштагы кызды басып калып, ал ооруканада каза болгон.

Жаңылыктар түрмөгү
0