БИШКЕК, 27-май — Sputnik. Экспертизанын алдын ала жыйынтыгы боюнча эки кичинекей кыз зордуктоого дуушар болгон эмес деп билдирди ИИМ маалымат кызматынын өкүлү Эрнис Осмонбаев.
Шейшемби күнү Facebook социалдык тармагында Турдубекова кыздардын зомбулукка кабылышын аныктоочу экспертиза жүргүзүлүп жатканын жазып чыкты.
ИИМ өкүлүнүн айтымында, эки кыз боюнча Саламаттык сактоо министрлигинин өкүлдөрү, эксперттер, балдардын ата-энесинин катышуусу менен экинчи ирет экспертиза өткөрүлгөн.
"Алдын ала маалыматтар боюнча, зомбулуктун белгилери аныкталган жок. Экспертизанын расмий жыйынтыгы шаршемби күнү жарыяланат", — деди Осмонбаев.
Анын пикиринде, текшерүү жыйынтыктарынын тууралыгын консилиум тастыктап турат. Кыздарды бир эле дарыгер эмес, ар тармактуу адистер текшерген.
№3 шаардык балдар ооруканасында акыркы төрт айдын аралыгында балдарга жасалган 11 сексуалдык зомбулук катталса, былтыр мындай жети окуя белгилүү болгон.
