БИШКЕК, 22-май – Sputnik. Бүгүн Бишкекте Түркмөнстандын Кыргызстандагы маданий күндөрү башталарын КРдин Маданият, маалымат жана туризм министрлигинен кабарлашты.
Салтанаттуу ачылыш Токтогул Сатылганов атындагы Кыргыз Улуттук филармониясында саат 18.00дө башталат.
Түркмөнстандын маданий күндөрүнүн алкагында 23-май күнү саат 10.00дө Гапар Айтиев атындагы Кыргыз улуттук көркөм сүрөт музейинде түркмөн кол өнөрчүлөрүнүн көргөзмөсү ачылат.
2015-жылдын 23-24-май күндөрү саат 16.00дөн баштап Чыңгыз Айтматов атындагы кино үйүндө түркмөн кинолору тартууланат.
Түркмөнстандын КР маданий күндөрүнүн жабылуу аземи жана эки өлкөнүн маданият жана искусство чеберлинин биргелешкен гала-концерти 24-май күнү Абдылас Малдыбаев атындагы Кыргыз улуттук академиялык опера жана балет театрында өтөт.
Аталган иш-чараларга кирүү акысыз.
