БИШКЕК, 22-май – Sputnik. Бишкекте Экономикалык кылмышка каршы күрөшүү боюнча мамлекеттик кызматы тарабынан "Делун" компаниясынын салык төлөөдөн четтөө фактысы аныкталды.
Аты аталган ЖЧКнын жетекчилиги салык отчетторун тапшырбагандыктан, 1,2 млн. сомдон ашуун каражат КР бюджетине түшпөй калгандыгын ЭККМКнын маалымат кызматы билдирет.
Салык кызматынын текшерүүсүнөн кийин "Делун" компаниясына жалпы суммасы 1 миллион 254 миң сом салык төлөө милдеттендирилди.
ЭККМК тергөө бөлүмү тарабынан компанияга карата салык төлөөдөн четтөө фактысы боюнча кылмыш иши козголду.
