БИШКЕК, 16-май — Sputnik. Жогорку Кеңештин депутаты Самаковдун баласы Кубанычбек Самаковдун айтымында, андан атасы аркылуу өч алуу үчүн кармашкан. Бирок, муну башкы прокуратура четке какты.
Кубанычбек Самаков башкы прокуратуранын белдүү кызматкерлеринин акча талап кылышы боюнча көрсөтмөнү өзгөртүү боюнча телефон чалуулар болгондугун айтты
"Башкы прокуратурада иштеген жогорку кызмат адамынын акча талап кылуусу боюнча көрсөтмөңдү өзгөртпөсөң атаңа же жакын туугандарыңа карата башкача чараларды көрөбүз деп телефон чалуулар болду", — деди Кубанычбек Самаков.
Башкы прокуратуранын маалымат катчысы Санжар Абжалов бул күнөөлөө чындыкка дал келбегендигин, айтып, Кубанычбек Самаковдун айткандарын четке какты.
"Кубанычбек Самаковдун сөздөрү курулай күнөөлөө, андыктан чындыкка дал келбейт", — деди Абжалов
Депутатка Башкы прокуратура Кылмыш жаза кодексинин 303-беренеси, Коррупция боюнча кылмыш ишин козгоду. Аталга көзөмөлдөөчү органдын билдирүүсүндө, Чүй облусунун Аламүдүн районунун Кара-Жыгач, Байтик жана Лебединовка айыл өкмөттөрүнө караштуу 262 гектар жерди мыйзамсыз менчиктеп алгандыгы туурасында айтылат.
