БИШКЕК, 8-май — Sputnik. Казакстандагы ири жол кырсыгынан каза болгон акыркы жарандын ким экени аныкталганын КР Тышкы иштер министрлигинин маалымат кызматы билдирди.
19-апрелде Казакстандын Жамбыл облусунун Мойынкум районундагы Алматы – Екатеринбург авто жолунун 487-чакырымында жүргүнчүлөрдү ташыган "Мерседес Бенц Спринтер" микроавтобусу менен "Газель-2705" жүк ташуучу автомашина кагышып, кыргызстандык 16 жаран каза болгон.
Тышкы иштер министрлигинин маалыматына ылайык, 2015-жылы 6-майда КРдин Алматыдагы башкы консулдугунун жардамы менен маркумдун жакындары жана КР ӨКМдин өкүлдөрү Казакстандын Караганда облусунун Балхаш шаарына атайын автомашина менен келишкен.
Жол кырсыгынан каза болуп, өлүкканага алынып келген маркумдун сөөгү туугандарынын көзүнчө сот-медициналык экспертизадан өткөрүлүп, ким экенин аныктоо аракеттери жүрдү.
Экспертизада маркум Кыргызстандын жараны экени аныкталап, туугандарына өткөрүлүп берилди.
Учурда сөөктү Кыргызстанга алып келүү боюнча даярдыктар аяктап калды.
