БИШКЕК, 22-апр. — Sputnik. Казакстанда болгон жол кырсыгында каза болгон 4 кишинин сөөгү мекенине алынып келе жатканын Өзгөчө кырдаалдар министрлигинин маалымат кызматы билдирди.
Машинада 19 кишинин ичинен үчөө кичинекей бала болгон. Өзгөчө кырдаалдар министрлигинин маалыматына ылайык, жо кырсыктан Кыргызстандын 16 жараны каза болду.
Шаршемби күнү таанылган төрт сөөктү жүктөп КР ӨКМдин КамАЗ автомашинасы Балхаш шаарынан 16:40та чыкты.
Буга чейин каза болгондордун туугандары 10 сөөктү алып келген. Ал эми бир кишинин сөөгү таанылгандан кийин КРге жеткирилет. Дагы бир кишинин сөөгү таанылбай жатат.
Приозерск ооруканасында кыргызстандык эки жаран бар. Бирөөсүнүн абалы туруктуу, экинчисиники оор бойдон калууда. Балхашка дагы бир бейтап жеткирилген, анын абалы туруктуу, бирок оор.
