Исмаил Исаков: Бишкек тилемчилердин шаарына айланып бара жатат

© Sputnik / Табылды КадырбековБишкеке шаарынын көчөлөрү. Архив
Бишкеке шаарынын көчөлөрү. Архив - Sputnik Кыргызстан
Жазылуу
ЖК депутаты борбор калаанын жолдорунун кесилиштеринде туруп жана үйлөрдү кыдырып кайыр сурагандарды токтотуу жаңы шайлана турган өкмөттүн негизги иштеринин бири болушу керектигин айтты.

БИШКЕК, 30-апр. — Sputnik. Жогорку Кеңештин пленардык жыйынында депутат Исмаил Исаков Бишкек тилемчилер шаарына айланып бара жаткандыгына нааразычылыгын билдирди.

Депутат кайырчылык кылгандар көчөлөрдүн кесилиши гана эмес, шаардагы ар бир үйгө чейин барып, эшигин барып такылдатып, кайыр сураганга акысы жоктугун, муну жөнгө салууну суранып ага шаардык шайлоочулар кайрылып жаткандыгын айтты.

"Бизде милиция, социалдык кызматкерлер конкреттүү карганга кудурети жетпейби. Ушинтип отурса кайдагы туристтер келет, мындай адамдар аларды тоношпойбу", — деди депутат.

Исаков бүгүн өкмөт шайланып калса, бул дагы кабыргасынан коюучу, жөнгө салууга милдеттендире турган тапшырмалардын негизгилеринен болорун айтты.

Жаңылыктар түрмөгү
0