Жеңиш парады Бишкек шаарында 7-майда өтүшү мүмкүн

Жазылуу
НовостиTelegram
Депутат Мыктыбек Абдылдаев Жоомарт Оторбаев отставкага кетүү ниетин билдиргенден кийин Бишкекте Жеңиш күнүнө арналган парадды ким кабыл алат деп кызыкты. Себеби Алмазбек Атамбаев 9-май күнү Москванын Кызыл аянтында боло турган майрамдык парадга барат.

БИШКЕК, 23-апр. — Sputnik. Парадды 7-майда же 9-майда президент өзү кабыл алышы мүмкүндүгүн Жогорку Кеңештин төрагасы Асылбек Жээнбеков билдирди.

Жоомарт Оторбаев. Архив - Sputnik Кыргызстан
Жоомарт Оторбаев: отставкага кетүүнү чечтим
Депутат Мыктыбек Абдылдаев Жоомарт Оторбаев отставкага кетүү ниетин билдиргенден кийин Бишкекте Жеңиш күнүнө арналган  парадды ким уюштурат деп кызыкты. Анткени уюштуруу комитетин өкмөт башчысы жетектейт. Эл өкүлү ошондой эле, Алмазбек Атамбаев 9-май күнү Москванын Кызыл аянтындагы майрамдык парадга катыша тургандыктан, Бишкектеги парадды ким кабыл алат деп сурады.

Оторбаев Жеңиш майрамын уюштуруп жаткан топ план боюнча иштей турганын, эч кандай өзгөрүү болбостугун билдирди.

Жээнбеков Улуу Жеңиштин 70 жылдыгына арналган парад качан болору аныктала электигин, бирок аны башкы командачы өзү кабыл ала турганын айтты. 

"Парад качан болору белгисиз. 7-майдабы же 9-майдабы", — деди төрага.

Коопсуздук жана коргонуу комитетинин мүчөсү Исмаил Исаков парад 7-майда болушу мүмкүндүгүн билдирди.

Жаңылыктар түрмөгү
0