РИАнын атайын кабарчысы Сирияда жихадды өз көзү менен көрдү

© Sputnik / Андрей Стенин / Фотобанкка өтүүРИАнын атайын кабарчысы Сирияда жихадды өз көзү менен көрдү
РИАнын атайын кабарчысы Сирияда жихадды өз көзү менен көрдү - Sputnik Кыргызстан
Жазылуу
Мекенинде эжесинин никесиз байланышы бар экендигинин бети ачылганда 19 жашар кыргызстандык жардыруучу өз үй-бүлөсү чоң күнөө кетирди, андан Сирияга барып "эрдик" кылуу менен гана арылса болот деп чечкен деп айтып берди офицерлердин бири.

БИШКЕК, 16-апр. — Sputnik. РИАнын атайын кабарчысы Дмитрий Виноградов Сирияга барып, ИМдин колго түшүрүлгөн террористтери менен сүйлөшүп кайтты. Ошондой эле ал кармалган согушчандардын арасында Кыргызстандын жараны да экендигин тапкан деп жазат РИА Новости.

Өз макаласынын башкы каарманы деп Виноградов Түркмөнстандын жараны Раушанды атаган. Ал "Ислам мамлекети" үчүн жан кечтилерди азгырып жүргөн адам экен. Раушан түркмөнстандык башка согушчандар менен кошо кокусунан эле кармалып калыптыр. Өкмөттүк аскер кызматкерлрине түркмөн жарандарынын түрк чек арасына жакын аймакта болушу шектүү сезилген.

Текшерүү учурунда алар Сирияда мыйзамсыз жүрүшкөнү аныкталып, жеке буюмдарын кароодо алардын теракттар жөнүндө, жан кечтилерди даярдоо жана жардыруучулар мектеби жөнүндө көп сандагы отчёттук видеоматериалдар жазылган ноутбугу алынган. Согушчандар бул отчётторду өз командирлерине алып бара жаткан деп айтылат РИА журналистинин материалында.

Камакка алынган Раушан өзү Түркмөнстанда мурда такси айдап иштеп жүрүп, үй-бүлөсү менен Сирияга көчүп келгенин айтып берген. Анын Сириядагы жасаган иши Алепподо болгон катуу теракттарга байланышкан: Раушандын тобу аскер ооруканасында, аскер базасында жана шаардын борборук түрмөсүндө дарбазаларга атайын заттарды коюу аркылуу жардырышкан. Андан тышкары, Раушан ондогон жан кечерлерди да даярдаган. Алардын ичинде Сириянын аскерлеринин колуна түшкөн 19 жашар кыргызстандык да бар. КРдин жараны жихадга өз үй-бүлөсүнүн күнөөсүн жууганы келгенин айткан. 

"Анын эжеси никесиз байланышта экени билинип калган. Ошондо ал өз үй-бүлөсү чоң күнөө кетирди, андан Сирияга барып "эрдик" кылуу менен гана арылса болот деп чечкен", — деп айткан сириялык офицерлердин бири РИА Новости менен маегинде.

Аскер кызматкеринин айтымында, жан кечерлердин катарына адатта "акылы кемирээк жана билимсиздерди" алышат, себеби аларды бардык "шахиддерди" күтүп жаткан бейиштин жыргалчылыгына ишендирүү оңой. 

Айрыкча өз үй-бүлөлөрүн кура эле 16-22 жаш чегиндеги жаштар чоң суроо-талапка ээ дейт офицер.

Жаңылыктар түрмөгү
0
Алгач жаңыларыАлгач эскилери
loader