БИШКЕК, 17-мар. – Sputnik. Президент Алмазбек Атамбаев 2002-жылы Аксы окуяларында курман болгондорду эскерди.
Мамлекет башчысы баш калаанын борбордук "Ала-Тоо" аянтындагы 2002-жылдын Аксы окуяларында жана 2010-жылдын Апрель окуяларында элдин эркиндиги үчүн курман болгондордун жаркын элесине арналып тургузулган монументке гүл койду.
Эскерүү 2002-жылдын 17-мартында Жалал-Абад облусунун Аксы районундагы Боспиек айылында болгон окуялардын жылдыгына арналды.
Мындан 13 мурда Жалал-Абад облусунун Аксы районундагы Боспиек айылында 17-18-март күндөрү укук коргоо органдары тарабынан саясий нааразычылык менен чыккан куралсыз элге ок атылып, алты киши окко учкан.
