БИШКЕК, 13 мар — Sputnik. Ярославль циркинин актеру божомолдоолор боюнча спайстан каза болуп, дагы экөө баңги заттан ууккандык белгиси менен ооруканага жеткирилген деп билдирет РИА Новости Россиянын Ярославль областы боюнча тергөө комитетине таянуу менен.
Артисттин жансыз денеси өзүнүн бөлмөсүнөн табылды деп билдиришти комитеттен.
"2015-жылдын 11-мартында Руслан Садоевдин сөөгү цирктеги өз бөлмөсүнөн табылган. Алдын ала божомолдоолор боюнча, аристтин өлүмүнө ал чеккен спайс себеп болгон", — деп айтылат билдирүүдө.
2014-жылдын күзүндө спайсты колдонуудан көп сандагы адамдардын ууланышы аталган маселеге коомчулуктун курч көңүлүн бурган. Анда 40 ашык адам каза таап, 2 миңге жакыны ууланган. Октябрь айында Баңги заттарды көзөмөлдөө боюнча федералдык кызмат спайстын айрым түрлөрүн пайдаланууга тыюу салууну демилгелеген. Бирок чегүүчү аралашманы чыгаруучулар спайстын формуласын өзгөртүү менен абалдан чыгып кетишкен.
