БИШКЕК, 9-фев — Sputnik. Алмазбек Атамбаев Россиянын Сочи шаарына жасаган иш сапары учурунда ишемби күнү Владимир Путин менен жолугушту. Жолугушуу формалдуу эмес түрдө өткөнүн президенттин аппаратынын маалымат кызматы билдирди.
Жолугушуу учурунда эки мамлекет ортосундагы саясый, соода-экономикалык, инвестициялык жана маданий-гуманитардык тармактардагы кызматташуунун маселелери талкууланды. Президенттер көп пландуу кыргыз-россиялык кызматташтыкты мындан ары өнүктүрүүнүн маанисин белгилешти.
Жолугушуудан соң мамлекет башчылары Сочи шаарында ХXII Олимпиадалык кышкы оюндардын жана ХI Паралимпиадалык кышкы оюндардын ачылыш күнүнүн бир жылдыгына арналган "Оюндардан кийин бир жыл" аттуу муз үстүндөгү майрамдык шоуго барышты.
