БИШКЕК, 7-фев — Sputnik. Алмазбек Атамбаев Россиянын Сочи шаарына иш сапары менен ишембиде жөнөп кеткенин президенттин аппаратынын маалымат кызматы билдирди.
Иш сапардын жүрүшүндө Атамбаевдин Россиянын президенти Владимир Путин менен сүйлөшүүлөрү болжолдонгон. Жолугушуунун жүрүшүндө кыргыз-россиялык кызматташуунун актуалдуу маселелери талкууланып, түрдүү тармактардагы биргелешкен долбоорлорду ишке ашыруунун жүрүшү каралмакчы.
Россия президентинин жардамчысы Юрий Ушаковго шилтеме берүү менен маалымдаган агенттик, президенттер кайсыл темалар боюнча сүйлөшөөрүн так айткан эмес. Бирок, ишемби күнү Атамбаев менен Путин эки тараптуу кызматташуунун маселелерин жана кризис маалында эки мамлекеттин экономикалык байланышы талкуулана турганы айтылууда. Ошондой эле, Кыргызстандын Евразиялык экономикалык биримдикке кирүүсү да каралары маалымдалууда.
