Ош шаарында биринчи жолу өлкөнүн чемпионаты өтүп жатат. Анын жеңүүчүлөрү 1-февралда аныкталат.
БИШКЕК, 30-янв — Sputnik. Ош шаарында бильярддын "Кураштырылган пирамида" түрү боюнча Кыргызстандын чемпионаты башталды.
Бильярд спортчу боюнча Кыргызстандын федерациясынын президенти Турсунбай Бакир уулунун айтымында, бильярд боюнча өлкө чемпионаты биринчи жолу Ош шаарында өтүп жатат. Анын максаты, жаштар арасынан мыктыларды аныктоо жана спорттун бул түрүн аймакка жайылтуу болуп саналат.
Кыргызстандын чемпионатынын жеңүүчүлөрү акчалай сыйлыкка жана медалдарга ээ болот. Андан сырткары Алматы шаарында өтө турчу дүйнөлүк чемпионаттын финалына 3 жолдомо ойнотулат.
Бул чемпионатка дүйнө чемпиону Канатбек Сагынбаев, чемпиондор Кубанычбек Сагынбеков, Дастанбек Левшаков катышууда.
