БИШКЕК, 30-янв — Sputnik. "Кыргызстанды газ менен камсыздоого "Газпром" 45,5 миллиард сом коротот", — деп билдирди өкмөттүн кезексиз жыйынында компаниянын башкармалыгынын жетекчиси Алексей Миллер.
Анын айтымында, компания инвестициянын көлөмүн 20 миллиарддан 45,5 миллиард сомго чейин жогорулатууну чечти.
"Ишкана тарабынан жүргүзүлгөн анализ биринчи кезекте турган объектилерди аныктоого мүмкүндүк берди. Биз биринчи пландалгандан да көп каражат керек экенин түшүндүк. Компания "Газпром Кыргызстан" программасына 45,5 миллиард сом караган. Алып жаткан милдеттерибиздин бардыгы аткарылат", — деди Миллер.
Ал эми Кыргызстан жер тилекелерин бөлүп берүүгө, документтерди макулдашууга жана колдонуучуларды газды алууга даярдоону жүргүзүүгө милдеттүү.
