БИШКЕК, 21-янв — Sputnik. "Россия-24" телеканалынын тасмага тартуучу тобу Донецктин миномёттук ок атуулары астында калды деп билдирет РИА Новости.
"России-24" телеканалынын кабарчысы Виталий Арутюнян ободон билдиргендей, тасмага тартуучу топ аталган жерге аялдамага мина тийгендиги жөнүндө маалыматты текшерүү үчүн барган.
"Ал жерде биздин гана топ эмес, башка россиялык жана жергиликтүү телеканалдардан да биздин кесиптештер бар болчу. Дал ошол учурда ок атуу башталды. Миналар да учуп түшө баштаганда биз коопсуз жерге кетүүгө аргасыз болдук", — деп айтып берди журналист.
Анын айтымында, ок атуу жүрүп жатканда Киев көчөсүндө киши көп болчу. Алардын ичинде электр жарыгынын берилишин оңдоп жаткан бригадалар, ошондой эле унаа байланышынын жакшы иштебегенинен шаардын борборун көздөй жөө бара жаткан жергиликтүү тургундар бар болчу.
