БИШКЕК, 29-дек — Sputnik. ЖКнын Эл аралык иштер боюнча комитети президенттин маалымат катчысы Кадыр Токтогуловдун КРдин АКШдагы элчилигине талапкерлигин жактырды. Бул туурасында парламенттин маалымат кызматы билдирди.
29-декабрда КРдин океан ары жагындагы мамлекетке боло турган жаңы элчисинин талапкерлиги тармактык комитетте карала тургандыгын бейшемби күнү ЖКдан билдиришкен.
Кадыр Токтогулов Бишкектеги Борбор Азиялык Америка университетинин бүтүрүүчүсү, 2012-жылдан тарта КРдин президентинин маалымат катчысы болуп иштейт.
