![Героизация нацизма (кырг) Героизация нацизма (кырг) - Sputnik Кыргызстан](https://sputnik.kg/img/101363/63/1013636397_0:0:0:0_600x0_80_0_0_5d36f695078c3910323717cc971eefa7.jpg)
БУУнун Башкы ассамблеясынын үчүнчү комитети нацизмди даңазалоого, расалык кемсинтүүчүлүккө, ксенофобияга каршы күрөш жөнүндө резолюцияны кабыл алды. БУУга мүчө 193 өлкөнүн 115и резолюцияны колдоп добуш беришти. Үч мамлекет —АКШ, Украина жана Канада — бул резолюцияга каршы болушту. Ал эми дагы 55 өлкө, анын ичинде Европа биримдигинин мүчөлөрү, добуш берүүдө калыс пикирде калышты.
Резолюцияда БУУнун Башкы ассамблеясынын мүчөлөрү "нацисттик кыймылды, неонацизмди жана "Ваффен СС" уюмунун мурдагы мүчөлөрүн бардык түрдө, анын ичинде эстеликтерди тургузуу жана ачык демонстрацияларды уюштуруу жолу менен даңазалоолорго терең тынчсызданууларын" билдиришет.
Андан сырткары, документте фашизмге колдоо көрсөткөндөрдүн улуттук-боштондук кыймылынын катышуучулары деп жарыяланышы жана Холокостту тануучулук сынга алынат. Резолюция "дүйнө боюнча расисттик маанайдагы окуялардын болуп жатышын, анын ичинде аталган окуялардын көпчүлүгүнө, о.э. расисттик жана ксенофобиялык негиздеги зомбулуктардын күч алышына жооптуу болгон "такыр баштардын" топторунун жанданышын тынчсыздануу менен белгилейт".
Россиянын Тышкы иштер министрлиги аталган резолюциянын кабыл алынышы "акыркы кездерде көбөйүп кеткен нацизмди даңазалоо аракеттерине каршы эң чечкиндүү чараларды көрүү зарылчылыгы эбак пайда болгон өлкөлөргө ачык-айкын белги болот" деп ишенет.