БИШКЕК, 5-ноя — Спутник Кыргызстан. Алтынбек Муралиев УКМК "кызматтык жашыруун сыр болуп эсептелген маалыматтарды чет элдик уюмдарга берүү же берүү үчүн топтоо" беренеси боюнча козгогон иштин алкагында 1-ноябрда кармалган. Кыргыз ММК маалыматтары боюнча жогорку даражадагы кызматкер өлкөнүн мурдагы премьер-министри Амангелди Муралиевдин уулу болот.
"Камакка алынуучу соттун чечими менен УКМКнын убактылуу жайында эки ай – 30-декабрга чейин калат", — деп билдирди агенттиктин маектеши.
Бир нече жыл мурун тыңчылык боюнча айып менен Кыргызстандын Жогорку Кенешинин (парламент) аппаратынын кызматкери кармалган. Ал, республиканын атайын кызматтарынын маалыматы боюнча, чет элдик жарандарга "жашыруун" деген эн тамга менен өтчү документтердин көчүрмөлөрүн берип турган. Кийинчерээк ал "мамлекеттик чыккынчылык" беренеси боюнча соттолгон.
