БИШКЕК, 17-окт. — Sputnik. Google сервиси каалаган музыканы ырдап же ышкырып тапканга мүмкүнчүлүк түздү. Башкача айтканда, тиркемеде жаңы функция пайда болду. Бул тууралуу компаниянын расмий блогунда маалымдалган.
Жаңы функция "Hum to search", кыргызчага которгондо "Издеш үчүн ырда" деп аталат.
Ырды издеш үчүн колдонуучу микрофонду басып, ырдын аталышын айтыш керек. Же болбосо "ыр тандоо" кнопкасын басуу зарыл. Google сервисин колдонуп жүргөндөр каалаган музыкасын табыш үчүн "Эй, Google, бул кандай ыр эле?" деп туруп музыканын обонун 10-15 секунд ырдаш керек.
Жаңы функция iOS жана Android колдонуучулары үчүн 20 тилде жеткиликтүү болот. Анын ичинде орус тили дагы бар. Аны колдонуу үчүн Google тиркемесин акыркы версияга чейин жаңылаш керек.
Эми пикир калтырууга болот. Telegram каналында жаңы функция пайда болду
Аталган функцияны колдонуп көргөндөр видеонун алдына билдирүүлөрүн калтырып, ал Shazam функциясынан алда канча жакшы экенин жазышкан. Маалым болгондой, жаңы функция ырды аудиожазуу менен тапкан Shazam сервисин жокко чыгарышы мүмкүн.
