БИШКЕК, 25-июл. — Sputnik. Диетолог Ольга Деккер арыктайм дегендердин көп учурда кетирген каталарын айтып, кеп-кеңешин берди. Бул тууралуу РИА Новости жазды.
Суюктукту азыраак ичүү. Адистин айтымында, организм жакшы иштеши үчүн таза суу ичиш керек, бирок аны салмакка ченеп колдонгон туура. Мисалы, бир килограмм идеалдуу делген салмакка 30 миллилитр суу туура келет. Ошондо 75 килограмм салмактагы киши суткасына 2,2-2,5 литрден суу ичип турушу зарыл.
Тамакты аз-аздан жеш керек. Диетолог тамактын көлөмү 300-350 граммдан ашпаганы туура деп эсептейт.
"Эгер сиз тамактын порциясын азайтсаңыз организмде тамак топтошпой, бат-баттан заңдай албай каласыз. Ал эми токсиндер организмден убагында чыга албай калат. Бул сизге ашыкча салмактан арылууга жардам бербейт", — деген Деккер.
Окумуштуулар өмүрдү узартып, карылыкты жайлатуунун сырын атады
18:00дөн кийин тамак жебеш керек. Буга бир гана Деккер эмес башка диетологдор дагы кошулбайт. Анын айтымында, уктаарга чейин эки-үч саат мурда тамактанса болот.
Чөп чайларды ичүү. Мындай суусундуктар организмден суюктукту тез эле чыгарып салат. Аны менен катар пайдалуу минералдарды да кетирет. Адистин айтымында, мындан эч кандай пайда жок.
Байма-бай ачка болуп туруу. Ушул күндөрү буга чейин желген тамактарды организм майга айлантып, "запаска" калтырып коёт.
Бир айда 10 килограмм салмак таштабай калып кабатырлануу. Адистин айтымында, 30 күндүн ичинде үч-төрт килограмм салмак таштаса жетиштүү.
Диетага отуруп алуу. Деккер тооктун эти менен гречка, алма жана бадыраң менен адам өзүн чектеп койбош керек деп эсептейт.
"Бул учурда организм кыйналып калат. Анткени ал керектүү азыктарды убагында ала албай калып, кийин зыян азыктарды талап кылат", — деди адис.
Таттуудан таптакыр баш тартуу. Адис тамактан кийин бир аз ачуу шоколад жеп койсо ашыкча болбой турганын белгиледи.
Арыктоо үчүн биринчи кезекте эмне кылыш керек? Диетологдун кеңеши
Таттууну башкага алмаштыруу. Айрымдары таттуунун ордуна мейиз, коон, банан сыяктуу азыктарды көп жей баштайт. Алар организмди бат тойгузганы менен канда глюкозанын деңгээлин бирде көтөрүп, бирде түшүрүп жиберет. Аларды ченеми менен гана жеген оң.
Тамакты унутуп, спорт менен машыгуу. Арыктайм деген киши алгач туура тамактанышы шарт. Спорт андан кийинки орунда. Рацион туура тандалган учурда зат алмашуу жакшырып, ички органдар жакшы иштеп, теринин абалы, сырткы келбет оңолот.
