Германия "Скрипалдын ишине" РФтин тиешеси далилденбегенин айтты

БИШКЕК, 4-апр. — Sputnik. НАТО өлкөлөрүн Россиянын дипломаттарын өлкөдөн чыгарууга чакыруу үчүн Москванын "Скрипалдын ишине" тийиштиги бардыгын жок дегенде далдилдеген бир нерсе болушу керек. Бул тууралуу Германиянын христиан-демократтар биримдигинин төрагасынын орун басары Рейн-Вестфалия Армин Лашет билдиргенин РИА Новости жазды.

"НАТО мамлекеттерин тилектештик кылгыла деп чакырып жатканда жок дегенде бир далил болушу керек да! Россия жөнүндө эмне деп ойлосоңор да мен башка мамлекеттер менен мамиле курууну эл аралык укукту карап жатып үйрөндүм", — деген оюн немис саясатчысы Сергей Скрипалдын ууланышы боюнча окуяга өз пикирин айтып жатып билдирген.

Немис саясатчысынын Twitter баракчасына жазгандарын Bloomberg агенттиги да чагылдырган.

4-мартта Солсбери аймагында Башкы чалгындоо башкармалыгынын мурдагы полковниги, Британиянын атайын кызматы менен иштешкен Сергей Скрипаль менен кызы Юлия ууландырылган. Расмий Лондон бул иштин артында Москва турганын айтып, каршылык катары РФтин дипломаттарын өлкөдөн чыгаруу чечимин кабыл алган. Улуу Британия башка мамлекеттерди да ушундай кадамга барууга чакырып, өткөн дүйшөмбүдө Евробиримдиктеги 16 мамлекет, АКШ, Канада, Норвегия, Украина россиялык дипломаттарды чыгарып жиберген.

Шейшемби күнү Британиянын Коргоо министрлигинин жашыруун лабораториясынын башчысы Sky News каналына берген маегинде Скрипаль менен кызы ууланды делген "Новичок" заты кайда жасалганын аныктай албаганын билдирген.