АКШда СССРден чыккан "банда" кармалды. Арасында кыргыздар болушу мүмкүн

© Sputnik / Наталья Селиверстова / Медиабанкка өтүүГорода мира. Вашингтон
Города мира. Вашингтон - Sputnik Кыргызстан
Жазылуу
АКШдагы кылмыштуу топтун мүчөлөрү деп СССРдин курамына кирген өлкөлөрдөн чыккан 33 адам кармалды. Алардын ичинде аты менен фамилиясы кыргызча эки жаран бар. Бири 20 жылга соттолору, экинчиси өмүр бою эркинен ажыратылары айтылды.

БИШКЕК, 8-июн. — Sputnik. Нью-Йорк шаарынын прокуратурасы СССРдин курамындагы өлкөлөрдөн чыккан кылмыштуу топтун 33 мүчөсүн айыптап жатат. Бул боюнча маалымат АКШнын Юстиция министрлигинин сайтында жарыяланды. 

Снимок с официальной страницы Международной организации уголовной полиции (Интерпол) - Sputnik Кыргызстан
Интерпол издөөгө алган кыргызстандык кыз-келиндер
Укук коргоо органдарынын маалыматына караганда башында россиялык "мыйзамдагы ууру" Ражден Шулая турган мафиялык топ Брайтон-Бичтен Лас-Вегаска чейин "ээлик" кылып, пара берүү, кумар оюндары жана адам өлтүрүү менен алектенишкен.

Мындан тышкары, аталган топту өлкөнүн аймагындагы баңгизат, курал-жарак сатуу, тоноо, жүктөрдү уурдоого күнөөлөп жатышат.

"Шулаянын кылмыштуу тобунун көпчүлүгү мурдагы Советтер Союзунда туулгандар. Алар Грузия, Украина, Россия сыяктуу өлкөлөргө маал-маалы менен каттап, байланышта болуп турушкан. Ошондой эле кылмыштуулук жолу менен түшкөн каражаттарды бул өлкөлөрдөгү жеке тараптарга берип турганы белгилүү", — деп айтылат прокуратуранын билдирүүсүндө.

Маалыматка караганда Шулая Нью-Джерси штатында, топтун калган мүчөлөрү Нью-Йорктун Бруклин, Манхэттен жана Квинс райондорунда жашаган.

Интерпол тарабынан изделген Кыргызстандын "абройлуу" кылмышкерлери
Кармалгандардын арасындагы 28 жаштагы Тимур Сүйүнов 20 жылга, 25 жаштагы Бакай Марат уулу өмүр бою эркинен ажыратылышы мүмкүн.

Бул адамдардын жарандыгы айтылган эмес.

Кыргызстандын ИИМинен билдиришкендей, учурда кармалгандардын арасында кыргызстандыктар же биздин өлкөдө издөөдө жүргөндөрдүн бар-жогу такталып жатат.

Азырынча кылмыштуу топтун дагы беш мүчөсү эркиндикте экени кошумчаланды.

Жаңылыктар түрмөгү
0