БИШКЕК, 17-янв. — Sputnik. Жаңы жыл түнү Стамбулдагы Reina түнкү клубунда 39 кишинин өмүрүн алган теракт жасады деп шектелип, идөөдө жүрүп кармалган Абдулгадир Машарипов кыргызстандык досунун үйүнөн табылды деген маалымат чындыкка коошпойт. Бул туурасында КРдин Тышкы иштер министрлиги билдирди.
BREAKING — Reina nightclub attacker Abdulgadir Masharipov now being transferred to Istanbul Police Headquartershttps://t.co/zXPjkeOQki pic.twitter.com/Lig3746aNO
— DAILY SABAH (@DailySabah) January 16, 2017
Эске салсак, Түркиянын Коопсуздук кызматы жаңы жыл алдында Стамбулдагы түнкү клубдардын биринде жардыруу жасады деп шектелген Өзбекстанда туулган Абдулгадир Машариповду кармап, камакка алганы маалымдалган.
"Машарипов менен чогуу кыргызстандык жаран кармалды деген маалыматты Стамбулдун губернатору Васип Шахин четке какты. Кармоо учурунда анын жанында Сенегалдын, Сомалинин, Египеттин жарандары болгон. Ошондой эле Ирактын бир жараны Машариповду жашырып жүргөн деген шек менен кармалган", — деп айтылат министрлик тараткан маалыматта.
Эске салсак, жаңы жыл түнү белгисиз бирөө Стамбулдагы Reina клубуна кирип келип, ок чыгарган. Анын кесепетинен 39 киши каза болуп, 69 киши түрдүү жаракаттарды алган. Бул каргашалуу окуянын жоопкерчилигин "Ислам мамлекети" террордук тобу өзүнө алган.
